Благодарение на 6 врвни инженери, процесите за изградба на Ист Гејт Мол се одвиваат забрзано

Од лево кон десно: Жарко Саватиќ – Гипсар, Дарко Русевски – Торакс, Тамара Сухарова-Градишки
 – Новатек, Климент Малески – Ист Гејт Мол, Надица Димитровска – Актива, Далибор Деспотовиќ – Телелинк, (Крешник Каремани Ака Инвест).

Ист Гејт Мол забрзано се развива. За неполни 9 месеци, 6 инженерски тима кои коордираат повеќе од 600 луѓе на терен во отежнати услови, успеаја да го завршат карабинскиот дел на еден од најголемите трговски центри во регионот, Ист Гејт Мол. За тоа најголема заслуга имаат 6 водечки инженери , кои претставуваат пример за одлични стратези и врвни професионалци во својата област.  

,,Ист Гејт Мол е грандиозен проект и е инженерски предизвик. Истовремено се одвиваат многу градежни процеси, а притоа се внимава сите детали совршено да се вклопат. Благодарение на 6 млади, но врвни инженери, процесите се одвиваат забрзано и проектот ќе се заврши и предвреме. Ист Гејт Мол има чест да ги награди луѓето кои имаат личен придонес и кои работат неуморно со голема посветеност.” – изјави Климент Малески, Тим Лидер на градежен тим во Ист Гејт Мол.

,,Координирам повеќе тимови во делот на тешки челични конструкции. Денес за прв пат добив сертификат за инженерско достигнување. Почестена сум што тоа е за Ист Гејт Мол. Огромно задоволство ми е да работам на ваков сериозен објект од монументално значење. Ми дава уште поголем елан за работа.” – изјави Надица Димитровска од Aктива.