25.05.2021 - 09:22
ТИНЕКС ОТВОРА MOДЕРЕН ХИПЕРМАРКЕТ ВО ИСТ ГЕЈТ МОЛ
СЕ ОТВОРА ПРВ ТИНЕКС ВО РАМКИ НА ТРГОВСКИ ЦЕНТАР од октомври оваа година, токму во Ист Гејт Мол.
![](https://eastgate.mk/wp-content/uploads/2021/05/4k.00_29_39_20.still028-1024x576.jpg)
СЕ ОТВОРА ПРВ ТИНЕКС ВО РАМКИ НА ТРГОВСКИ ЦЕНТАР од октомври оваа година, кој ќе претставува иновативна комбинација од Супер Тинекс и Деликатесен Тинекс. ТИНЕКС хипермаркетот претставува сосема ново маркет искуство, ќе биде естетски унапреден, модерен и дигитализиран маркет за самоуслужување каде ќе има севкупна понуда за дневна потрошувачка, 30.000 внимателно избрани производи од македонски и светски производители во различни категории. Покрај вообичаениот асортиман ќе има автентично изведени оддели за органска храна, пиљара, месарница, рибарница и пекара.
ТИНЕКС ХИПЕРМАРКЕТ е единствениот маркет во трговскиот центар и ќе се простира на 2.000м2 со што се вбројува во тн. анкори, клучни закупци во трговскиот центар, и ја комплетира понудата на продукти и услуги за посетителите кои освен за шопинг и забава, доаѓаат за неделно пазарување.
КОСМО ќе се простира на 300м2 на главниот булевар, со елегантно изведена продавница во француски еклектичен стил, каде ќе се понуди козметика, парфеми и накит од врвните светски модни куќи.
![](https://eastgate.mk/wp-content/uploads/2021/05/4k.00_27_31_19.still020-1024x576.jpg)
Цветанка Христовска, бренд директор на компанијата Тинекс, ги предаде нацртите за Тинекс хипермаркет и Космо на Александар Тасевски, координатор на големи закупци и лидер на групата тенант координатори во Ист Гејт Мол изјави: ,,За ТИНЕКС беше предизвик да се биде дел од најголемиот регионален трговски центар. ТИНЕКС има иста визија и дели исти вредности со ИСТ ГЕЈТ МОЛ. Успеавме да направиме нов креативен концепт со нова понуда и уште поквалитетна услуга, а инспирацијата ни се секогаш клиентите. Со отворање на овие 2 продавници, Тинекс овозможува 60 нови работни места”.
![](https://eastgate.mk/wp-content/themes/pstarter19/assets/images/telephone-contact.png)
Јавете ни се:
+389 (2) 5514 283